पार्टी कार्यालय सानेपामा जारी केन्द्रीय समितिकोे वैठकले संसदीय दलको नेता चयनका लागि प्रबक्ता दिलेन्द्रप्रसाद वडुको संयोजकत्वमा तीन सदस्यीय निर्वाचन समिति गठन गरेको छ ।

प्रवक्ता बडुका अनुसार समितिको सदस्यमा केन्द्रीय सदस्य रमेश रिजाल र रामचन्द्र तिवारी छन् ।

नेपाली कांग्रेसका नेतात्रय सभापति सुशील कोइराला, बरिष्ठ नेता शेरवहादुर देउवा र उपसभापति रामचन्द्र पौडेलवीच संसदीय दलको नेतृत्व कसले लिने भन्ने विवाद छ ।

पार्टीले सहमतिका लागि आन्तरिक छलफल गरिरहे पनि अहिलेसम्म सहमति हुन सकेको छैन । सहमति नभए निर्वाचन समितिले संसदीय दलको निर्वाचन गराउने छ ।

संसदीय दलको नेतामा सर्वसम्मती भएपनि चुनावको विधि पुर्‍याउनका आवश्यक भएकाले केन्द्रीय समितिले निर्वाचन समिति गठन गरेको हो ।

प्रतिकृया दिनुहोस