एमाओवादी जारी केन्द्रीय कमिटीको बैठकमा नेता बाबुराम भट्टराईलगायतले पार्टी नेतृत्व छोड्न दबाब दिएपछि दाहालले नेतृत्व छोड्दा पार्टीमा थप संकट आउने भन्दै नेतृत्व हस्तान्तरण नहुने बताएका छन् ।

५ माघमा इलाम जाने क्रममा विराटनगर विमानस्थल आइपुगेका अध्यक्ष दाहालले पत्रकारहरुसँग कुरा गर्दै ‘कम्युनिष्ट आन्दोलनमा कुनै एउटा चुनाव हार्दैमा राजीनामा दिनु नपर्ने’ दाबी गरे ।

उनले भने, “बुर्जुवा पार्टीको जस्तो तथाकथित नैतिकताको प्रश्न कम्युनिष्ट पार्टीमा उठ्दैन ।”

पार्टी समस्यामा परेको बेलामा नेतृत्वलाई अझ बलियो बनाएर लैजानुपर्ने भन्दै उनले नेतृत्व परिवर्तनको माग नै जायज नभएको बताए ।

दाहालले एमाओवादीले राष्ट्रपति, उपराष्ट्रपति र सरकारको बिषयमा कुनै चासो नराखी एक बर्ष भित्र संविधान निर्माण गर्ने तर्फ ध्यान केन्द्रीत गरेको बताएका थिए ।

कमल रिमाल, विराटनगर

नेतृत्व हस्तान्तरण गर्न भट्टराईको माग

प्रतिकृया दिनुहोस