चितवनबाट वीरगञ्ज आएकी १८ वर्षीय किशोरीलाई माघ ४ मा बन्धक बनाई दुईदिनसम्म जबरजस्ती करणी गरी फरार भएका वीरगञ्ज– १५ मुर्ली बस्ने २० वर्षीय महम्मद हुसेनआजाद अन्सारी र १९ वर्षीय साजिद अन्सारीलाई वीरगञ्ज प्रहरीले पक्राउ गरेको छ ।

पीडित किशोरीले दिएको उजुरीका आधारमा प्रहरीले ७ माघमा दुवै अभियुक्तलाई पक्राउ गरेको हो । उनीहरुविरुद्ध जबरजस्तीकरण अन्तर्गत मुद्धा दायर गर्न आवश्यक कारवाही शुरु गरिएको जिल्ला प्रहरी कार्यालय पर्साले जनाएको छ ।

त्यस्तै पत्रकार युवतीलाई फोनमा गाली गलौज गरेर सताउने बारा, कलैया– ७ बस्ने २३ वर्षीय नन्देश साहलाई पनि प्रहरीले पक्राउ गरी कारवाही प्रक्रिया अघि बढाएको छ ।

८ माघमा इन्सेकले वीरगञ्जमा आयोजना गरेको पूर्वसमिक्षा बैठकमा पर्सामा सन २०१३ मा १४ भन्दा बढी बलात्कारका घटना भएको जानकारी दिएको छ ।
बिम्मी शर्मा, वीरगञ्ज

प्रतिकृया दिनुहोस