थप मेडिकल कलेजलाई सम्बन्धन दिन नहुने, राजनीतिक दवावमा नियुक्ति गर्न नहुने लगायतका सम्झौता भएर प्रा.डा. गोविन्द केसीले  अनसन तोडे लगत्तै गजुरेलले राजिनामा दिएका हुन ।  काउन्सिलका अध्यक्ष गजुरेलले १० माघ दिउँसो स्वास्थ्य तथा जनसंख्या मन्त्रालयमा राजीनामा बुझाएका छन् । उनले स्वास्थ्य मन्त्री विद्याधर मल्लिकसमक्ष राजीनामा बुझाएका हुन् ।

उनले काउन्सिलमा काम गर्ने बातावरण नभएकाले राजीनामा दिएको हिमालखबरसँग बताए । उनले भने, “मलाई काम गर्न अप्ठ्यारो भयो, त्यसैले राजीनामा बुझाएको हुँ ।”

उनले काउन्सिलमा बसेर कुनै पनि निर्णय गराउन नसक्ने अवस्था श्रृजना भएको पनि प्रतिक्रिया दिए । “मलाई काउन्सिलमा असहयोग गर्ने बढी भयो,” उनले भने, “काउन्सिल बैठकमा कोरम नै नपुग्ने, निर्णय नै गर्न नसक्ने अवस्था भए पछि म बसिरहनुको अर्थ नै रहेन नी ।”

प्रतिकृया दिनुहोस