राजनीतिक दलहरुको सहमतिमा सरकार गठनका लागि दिएको समय सीमा १९ माघमा सकिएपछि राष्ट्रपति रामवरण यादवले २० माघमा बहुमतको सरकार गठनका लागि व्यवस्थापिका संसदलाई पत्र लेखेका छन् ।

अन्तरिम संविधानको धारा ३८ (१) अनुसार सहमतीय सरकार गठनका लागि १२ माघमा राष्ट्रपतिले राजनीतिक दलहरुलाई आह्वान गरेका थिए । तर, यसबीच दलहरुले पटकपटक बैठक गरे पनि सहमतिको वातावरण नबनेपछि दलहरुकै आग्रहमा राष्ट्रपतिले संविधानको धारा ३८ (२) अनुसार व्यवस्थापिका संसदमा बहुमत प्राप्त दलको नेतालाई प्रधानमन्त्री चयन गर्न र निजको नेतृत्वमा मन्त्रिपरिषद गठन गर्न संसदलाई सन्देश पठाएका हुन् ।

सहमतिको सम्भावना नभएपछि दलहरुका तर्फबाट बहुमतीय प्रक्रियाको थालनी गर्न नेपाली कांग्रेस सभापति सुशील कोइरालाले राष्ट्रपति रामवरण यादवलाई १९ माघमा आग्रह गरेका थिए ।
बहुमतीय सरकार गठनका लागि भने समय सीमा तोकिएको छैन ।

राष्ट्रपतिकार्यालयको विज्ञप्ति :

प्रतिकृया दिनुहोस