२१ माघमा एमाले संसदीय दलको नेता चयन गर्न भएको निर्वाचनमा २३ मतले अध्यक्ष झलनाथ खनाललाई पछार्दै केपी ओली विजयी भएका छन् ।

कुल १७३ मतमध्ये ओलीले ९८ र खनालले ७५ मत प्राप्त गरेका छन् ।

केही हप्तादेखि सहमतिमै संसदीय दलको नेता चयनका लागि गरिएको प्रयास असफल भएपछि अन्ततः निर्वाचन गरिएको हो ।

सिंहदरबारस्थित नेकपा एमाले संसदीय दलको कार्यालयमा भएको निर्वाचनमा अध्यक्ष खनालका पक्षमा वरिष्ठ नेता माधवकुमार नेपाल थिए भने ओलीलाई उपाध्यक्ष वामदेव गौतमले सघाएका थिए ।

संविधानसभामा १७५ स्थानमा जित हासिल गरेको एमालेमा नेपाल र गौतमले दुईदुई ठाउँमा जितेका कारण १७३ कूल मतदाता छन् ।

प्रतिकृया दिनुहोस