२२ माघमा बसेको संविधानसभा बैठकमा संविधानसभा सदस्य चार स्थानमा रिक्त रहेको बैठकको अध्यक्षता गरिरहेका सूर्यबहादुर थापाले जानकारी गराएपछि २९ माघमा बिहान ११ बजे बस्ने गरी सकिएको छ ।

एकातिर एकवर्षभित्रै संविधान निर्माण गर्ने भन्दै नेताहरुले प्रतिवद्धता गरिरहेका छन् भने अर्कोतिर संविधानसभा बैठक कुनै काम नपाएर केही मिनेटमै टुंगिने गरेको छ । २२ माघको बैठक दुई मिनेटमै सकिएपछि कतिपय सभासदहरु संविधानसभा बैठक कक्षभित्र प्रवेश गर्दै थिए भने संविधानसभामा ‘बिजनेश’ नहुँदा अधिकांश सभासदहरु अनुपस्थित थिए । यसअघि दोस्रो वैठक पनि दुई मिनेटमै सकिएको थियो भने पहिलो दिनको वैठक १० मिनेटसम्म चलेको थियो ।

अध्यक्ष सूर्यबहादुर थापाले सभासद्हरु सुशील कोइरालाले चितवन निर्वाचन क्षेत्र नं ४ बाट, शेरबहादुर देउवाले कैलाली क्षेत्र नं ६ बाट, माधवकुमार नेपालले काठमाडौँ क्षेत्र नं २ बाट र बामदेव गौतमले बर्दिया क्षेत्र नं १ बाट सभासद् पद छाडेको बैठकलाई जानकारी गराए ।

सभासद् कोइराला बाँके क्षेत्र नं ३, देउवा डडेलधुरा क्षेत्र नं १, नेपाल रौतहट क्षेत्र नं १ र गौतम प्यूठान क्षेत्र नं १ बाट पनि विजयी भएका थिए ।

प्रतिकृया दिनुहोस