विश्व शान्तिको कामना गर्दै बाराको गञ्जभवानीपुरमा २३ माघदेखि शुरु ९ दिने लक्ष्मीनारायण महायज्ञको पूर्व यवराज्ञी हिमानी शाहले एक समारोहका बिच उद्घाटन गरेकी छन् ।

यसअघि पूर्वयुवराज्ञी शाहले बाराकै बरियारपुरस्थित गढीमाई मन्दिरमा पुजाअर्चन गरेकी थिइन् । यज्ञका मुख्यकर्ता नेपाल साधु संघ बाराका अध्यक्ष महेन्द्र दास हुन् ।

महायज्ञ भन्दा ५ सय मिटर टाढाबाट हिंडेरै यज्ञ स्थलसम्म पुगेकी हिमानीको सुरक्षामा सशस्त्र प्रहरी, नेपाल प्रहरी र स्वम्सेवकहरु खटिएका थिए ।

पूर्व युवराज्ञी हिमानीलाई हेर्न हजारौंको संख्यामा स्थानीयको घुइँचो थियो ।

महयज्ञ अवधिभर गञ्जभवानीपुर क्षेत्रमा माछा, मासु र मदिरा सेवन तथा बिक्रीबितरण रोक लगाइएको यज्ञ आयोजक समितिले जनाएको छ ।
शब्द/तस्वीर: श्याम गुप्ता, बारा

प्रतिकृया दिनुहोस