तेह्रथुम जिल्लाको आङ्गदिम–७ घर भएका २२ वर्षीय दलबहादुर गुरुङ्ग मृत अवस्थामा फेला परेको प्रहरीले जनाएको छ । मृतक गुरुङ्ग वुधवार साँझ बेलुकी शिकार खेल्न नसीवोटे जंगल गएका थिए ।

शिकारलाई बन्दुक प्रहार गर्दा नपडकेपछि आफूतिर फर्काएर बन्दुक जाँच गर्दा अचानक पड्केर मृत्यु भएको हुनसक्ने प्रहरीले अनुमान गरेको छ । जिल्ला प्रहरी कार्यलय धनकुटाका प्रहरी नायव उपरीक्षक रामेश्वर कार्कीका अनुसार घटनाको प्रकृति र मृतकको औंला, चिउडो र अनुहारमा छर्रा लागेको लागेको हुँदा बन्दुकको नाल आफूतर्फ फर्काएर हेरेको बेला बन्दुक पड्किएर मृत्यु भएको हो ।

यसक्षेत्रमा  लुकिछिपी कालिजको शिकार गर्ने चलन छ ।

मृतकको शवलाई पोष्टमार्टमको लागि जिल्ला अस्पताल धनकुटा ल्याइएको छ ।

सन्तोष रुचाल, धनकुटा

प्रतिकृया दिनुहोस