पाल्पाको तानसेनमा २४ साउन बिहान आयोजित कार्यकर्ता भेटघाट कार्यक्रममा बोल्दै नेता शर्माले एमाओवादीमा आन्तरिक गुटबन्दी कायम रहेको बताएका हुन् । साउन पहिलो साता काठमाडौंमा सम्पन्न सातौं विस्तारित बैठकमा गुट समाप्त भएको घोषणा गरेको २४ घण्टा नबित्दै अध्यक्ष पुष्पकमल दाहाल र उपाध्यक्ष बाबुराम भट्टराई पक्षबीच बैठकस्थलमै कुर्सी हानाहान भएको थियो । पार्टीको गुटबन्दी अन्त्य गर्न नेतृत्वलाई दवाव दिन शर्माले कार्यकर्तालाई आग्रह गरे ।

शिक्षामन्त्री समेत रहेका शर्माले अहिलेको अवस्थामा आफ्नो पार्टीले सरकार छोड्ने सोचसम्म नबनाएको बताए । माओवादीले सहमतिको लागि हदैसम्मको लचकता अपनाएको भए पनि कांग्रेस र एमालेले आफूहरुलाई पेलेरै जाने नीति लिएकाले सहमति बन्न नसकेको उनको आरोप थियो ।

देव पचभैया, पाल्पा

प्रतिकृया दिनुहोस