एमाओवादी अध्यक्ष दाहालले दुई दलबीच भएको सहमति असंवैधानिक भएको टिप्पणी गरेका छन् । व्यवस्थापिका संसदको २७ माघमा बसेको बैठकबाट बाहिरिने क्रममा उनले कांग्रेस सभापति सुशील कोइरालालाई प्रधानमन्त्री बनाउन दुई दलबीच भएको सहमति असंवैधानिक भएको टिप्पणी गरेका हुन् ।

पत्रकारको प्रश्नमा उनले भने, “कांग्रेस–एमालेबीच भएको सहमति संवैधानिक छैन ।” एमाओवादीले प्रधानमन्त्री निर्वाचनमा कांग्रेस सभापति सुशील कोइरालाको विपक्षमा मतदान गरेको थियो ।

राजनीतिक सहमतिः खनाल

नेकपा एमालेका अध्यक्ष झलनाथ खनालले भने दुई दलबीच राजनीतिक सहमति भउको प्रतिक्रिया दिए । बैठकबाट बाहिरिने क्रममा पत्रकारसँग उनले दुई दलबीच राजनीतिक सहमति भएकाले त्यसका लागि संविधान संशोधन गरेर अघि बढ्ने बताए ।

उनले भने, “संविधानमा भएका कतिपय बुँदामा राजनीतिक सहमतिकै आधारमा संशोधन गरिन्छ, त्यसकारण हाम्रो सहमति असंवैधानिक होइन ।”
रासस

प्रतिकृया दिनुहोस