एमाले नवलपरासीले २७ साउनमा बर्दघाटमा गरेको अगुवा कार्यकर्ता प्रशिक्षण कार्यक्रममा बोल्दै पोखरेलले दलहरुबीच सहमति हुन नसकेको विषय जनतामा लैजान उचित हुने बताएका हुन । उनले एमाओवादीले एकल जातीय पहिचान र आफूहरुलॆ बहुजातीय पहिचानको अडान छोड्न नसक्दा सहमति बन्न नसकेको बताए । एक सयभन्दा बढी जातजाति बस्ने मुलुकमा जातीय प्रदेश सम्भव नभएकाले आफूहरु एकल पहिचान सहितको संघीयताको पक्षमा नरहेको उनले उल्लेख गरे ।

प्रशिक्षण कार्यक्रममा नेता पोखरेलले लोकतान्त्रिक संरचना समाप्त पारेर प्रधानमन्त्री बाबुराम भट्टराई नयाँ जङ्गबहादुर राणा बन्न खोजेको आरोप लगाए । संवैधिानिक निकायहरु पदाधिकारी बिहिन हुने अवस्थामा पनि मुलुकप्रति गम्भीरता नदेखाउनु भट्टराईको तानाशाह बन्ने मानसिकता भएको उनको भनाई थियो ।

मधेशमा सम्पुर्ण मधेशी दलहरुको मत आफ्नो पार्टीको मतदाता बढी रहेको बताउँदै पोखरेलले मधेशी जनतालाई ठगी गरिरहेको मधेशी ठेकेदारहरुको भण्डाफोर गर्दै एमालेले मधेशमा जनअभियान संचालन साचालन गर्ने बताए । एक मधेश एक प्रदेश मधेशी जनताकै हितमा नभएको पोखरेलको दाबी छ ।

विद्रोही गिरी, नलवपरासी

प्रतिकृया दिनुहोस