स्थानीय गोकुलेश्वर बहुमुखी क्याम्पसबाट व्यवस्थापन विषयमा स्नातकोत्तर अध्ययन पूरा गरेका २७ वर्षीय नरेश रावलले घरमै आवश्यक सामान मगाई आफैंले बिजुलीको ट्रान्सफर्मर निर्माण गरेका छन् ।

रावलले बनाएका ट्रान्सफर्मर अहिले बरमुडे लघुजलविद्युत्का दुईवटा पोलमा जडान गरिएका छन् । ट्रान्समिटर जडान गरिएपछि विद्युत् लाइन रातभरि बिनाअवरोध सञ्चालन भएको छ ।

ग्वानी–८ बरमुडेमा निर्माण गरिएको बरमुडे लघुजलविद्युत्मा अपरेटरको कामसमेत गर्दै आएका रावलले धनगढीबाट सामान मगाएर २० हजार मूल्यबराबरका दुईवटा ट्रान्सफर्मर निर्माण गरेको बताए ।

लघुजलविद्युत्मा काम गर्न थालेपछि बिजुलीका लाइनहरु जडान गर्न विभिन्न जिल्ला घुम्ने क्रममा उनले ट्रान्सफर्मर बनाउने सीप सिकेका हुन् ।

प्रतिकृया दिनुहोस