पाँचथरको फिदिममा आयोजित कार्यक्रममा बोल्दै एमाओवादी नेता वर्षमान पुनले एकवर्षभित्र संविधान जारी गरेपछि नयाँ संविधानअनुसार स्थानीय निकायको निर्वाचन गरिनुपर्ने धारणा व्यक्त गरेका छन् ।

उनले आफ्नो पार्टी तत्काल स्थानीय निर्वाचनको पक्षमा नरहेको पनि स्पष्ट पारे । ४ मंसीरमा भएको संविधानसभामा अनपेक्षित हार व्यहोर्नु परेपछि एमाओवादी तत्कालै स्थानीय निकायको निर्वाचन चाहँदैन । यद्दपी प्रधानमन्त्री सुशील कोइरालाले ६ महिनाभित्रै स्थानीय निकायको निर्वाचन गराउने बताउँदै आएका छन् भने नेकपा एमालेलगायतका दलहरु पनि चाँडै स्थानीय निकायको निर्वाचन गराउनु पर्ने पक्षमा छन् ।

संविधान लेखन प्रकृयालाई तिव्रता दिन अघिल्लो संविधानसभामा सहमति भएका विषयहरुलाई संस्थागत गर्दै राज्यको शासकीय स्वरुप र पुनःसंरचना लगायतका विवादित विषयमा छिटै निश्कर्षमा पुग्नु पर्ने उनको भनाई थियो ।

नेकपा–माओवादीका अध्यक्ष मोहन बैद्यले एमाओवादीसँग पार्टी एकीकरणको सम्भावना रहेको भन्ने अभिव्यक्तिप्रति टिप्पणी गर्दै पुनले तत्काल एकीकरणको कुनै सम्भावना नभएको बताएका थिए ।

लक्ष्मी गौतम, पाँचथर

प्रतिकृया दिनुहोस