नेकपा एमाले केन्द्रीय कमिटी बैठकले केही दिनअघि प्रधानमन्त्री सुशील कोइरालाले ‘टनकपुर भारतको हो’ भनी दिएको अभिव्यक्तिप्रति विरोध जनाउँदै यसबारे सरकारको धारणा स्पष्ट पार्न माग गरेको छ ।

एमाले केन्द्रीय कमिटीको बैठकको निर्णय सार्वजनिक गर्न २२ फागुनमा आयोजित पत्रकार सम्मेलनमा केन्द्रीय कमिटीको निर्णय सुनाउँदै एमाले प्रचार विभाग प्रमुख प्रदीप ज्ञवालीले यस्तो जानकारी दिएका हुन् । १६ फागुनमा नेपालगञ्जमा आयोजित एक कार्यक्रममा प्रधानमन्त्री कोइरालाले ‘टनकपुर भारतकै थियो उसकै हो, तर गिरिजाबाबुले टनकपुर बेच्यो भनेर नचाहिंदो हल्ला चलाइयो’ भनेका थिए ।

त्यस्तै एमालेले स्थानीय निकाय निर्वाचनको मिति अविलम्ब घोषणा गर्न पनि सरकारसँग माग गरेको छ ।

त्यसैगरी २४ जेठबाट महाधिवेशन शुरु गर्ने निर्णय गरेको एमालेले केन्द्रीय कमिटि, अनुशासन आयोग, लेखा परीक्षण आयोग र निर्वाचन आयोगका सदस्यहरु महाधिवेशनमा स्वतः प्रतिनिधि हुने व्यवस्था गरेको छ ।

प्रतिकृया दिनुहोस