एमाले वरिष्ठ नेता नेपालले संविधान निर्माणको काम सुस्त भएकोमा चिन्ता व्यक्त गर्दै क्रियाशील हुन सबै दलसँग आग्रह गरेका हुन् । विराटनगर विमानस्थलमा पत्रकारसँग कुरा गर्दै उनले जनताका आकांक्षा अनुसार संविधान निर्माणमा द्रुत रुपमा अघि बढ्नुपर्नेमा जोड दिए ।

उनले भने, “जनताको चाहना अनुसार दलका नेताहरु संविधान निर्माण द्रुत रुपमा लाग्नुपर्छ ।” घोषित समयभित्रै संविधान जारी गर्न सबै दल क्रियाशील हुनुपर्नेमा उलने जोड दिए ।

उनले संविधानसभा नियमावलीमा दलको ह्वीप सभासदमा लाग्नुपर्ने, ककस स्थापना हुन नहुने बताए । संविधान प्रमाणिकरण राष्ट्रपति या सभामुखले गर्ने विषयमा दलहरुबीच छलफल गरी सहमतिमा पुग्नुपर्नेमा उनले जोड दिए ।

सभासद नभएका नेतालाई मन्त्री बनाइएको विषयमा उनले भने, “मन्त्रीले राष्ट्रिय हित एवम् जनताको चाहना अनुसार काम गर्नुपर्छ ।”
रासस

प्रतिकृया दिनुहोस