श्याम गुप्ता, बारा
कवाडी फलाम पगाल्न उद्योगको चार वटा भट्टीमा लगाएको आगोबाट निस्केको धुँवाले सिमरा वरिपरिको क्षेत्र नैं अँध्यारो बनाएपछि स्थानीयले जगदम्बा स्टिल उद्योगको मुल गेटमा तालाबन्दी गरेका छन् ।

उद्योगबाट निस्केको धुलो र धुँवाका कारण स्थानीयलाई श्वाप्रश्वास लगायत विभिन्न रोग समस्या हुनुका साथै वातावरणसमेत प्रदुषित हुनथालेपछि स्थानीयले उद्योग अगाडी टांगिएका विलबोर्ड समेत तोडफोड गरेका छन् ।

कृषकहरुले आफ्नाें बाली, खानेपानी समेत प्रदुसित भएको दाबी गरेका छन् । उद्योगको धुलो र धुँवा नियन्त्रण गर्नका लागि यस अघि पनि पटक–पटक उद्योग र स्थानीयबीच भएका सहमति उद्योगले कार्यान्वयन नगरेपछि सिमराबासी आन्दोलनमा उत्रिएका हुन् ।

आन्दोलनकारीले आफ्नाें माग पूरा नभएसम्म उद्योग सञ्चालन गर्न नदिने भन्दै तालाको साँचो सिमरा गाविसका प्रतिनिधि केदार बस्नेतलाई बुझाएका छन् ।

आक्रोशित आन्दोलनकारीले ईलाका प्रहरी कार्यालय परिसर भित्रै उद्योगका कार्यकारी निर्देशक रोसित उत्थिहान विरुद्ध नारा जुलुस समेत गरेका छन् ।

प्रतिकृया दिनुहोस