बालक अपहरणका अभियुक्तहरु । तस्वीर: इश्वरचन्द्र झा

३० फागुनमा धनुषाको ठाढीझिजा–४ स्थित स्कूलबाट घर फर्कंदै गरेका स्थानीय लक्ष्मेश्वर महतोका ४ वर्षीय छोरा रुपेश महतोलाई प्रहरीले ५ चैत राति अपहरणमुक्त गराएको छ ।

धनुषाको रघुनाथपुर–३ ढोरबज्जास्थित बगैंचाबाट बालकलाई मुक्त गराईएको जिल्ला प्रहरी कार्यालय धनुषाले जनाएको छ । बालकलाई सकुशल अवस्थामा उनका परिवारलार्ई बुझाइएको छ ।

प्रहरीले अपहरणमा संलग्न धनुषाको ठाढीझिजा– ४ का सीताराम यादव, वडा नं ३ का मनोजकुमार यादव, बालाबाखर–८ का मनोज यादव र चोराकोयलपुर–१ का बिपुल यादवलाई पनि पक्राउ गरी सार्वजनिक गरेको छ ।

प्रहरी उपरिक्षक उत्तमराज सुवेदीले टोलमा भएको समान्य विवादका कारण बालक अपहरणमा परेकोे बताए ।
चारैजनामाथि अपहरण तथा शरीर बन्धक मुद्दा दायर गरिने प्रहरीले जनाएको छ ।

इश्वरचन्द्र झा, जनकपुर

प्रतिकृया दिनुहोस