विराटनगरबाट ओखलढुङ्गा आउँदै गरेको राष्ट्रिय वाणिज्य बैंक क्षेत्रीय कार्यालय विराटनगरकोे बा ४च ८७२० नम्बरको जीप बिहान ११ बजे ओखलढुङ्गाको मानेभन्ज्याङमा दुर्घटना हुँदा क्षेत्रिय प्रमुख दिनेश कार्कीको निधन भएको छ ।

जिपमा सवार कार्यालयका कर्मचारी राजेश पोखरेल र चण्डी भट्टराई तथा चालक नीलहरि ढुङ्गेल घाइते भएका छन् ।

घाइतेमध्ये पोखरेल र ढुङ्गेलको अवस्था गम्भीर छ । घाइतेको उपचारका लागि हेलिकप्टरबाट काठमाडौं लैजाने तयारी भइरहेको प्रहरीले जनाएको छ ।

गाडी मानेभन्ज्याङ गाविस–९ को सौराडाँडामा उकालो चढ्ने क्रममा ‘ब्रेक फेल’ भएर सडकभन्दा ३०० मिटर तल खसेको जिल्ला प्रहरी कार्यालय ओखलढुङ्गाका प्रहरी नायब उपरीक्षक गोविन्द अधिकारीले बताएका छन् ।
रासस

प्रतिकृया दिनुहोस