८ भदौ बिहान महानगरीय ट्रफिक प्रहरी परिषद् भक्तपुरले छ लेन सडकअन्तर्गत सल्लाघारीमा जाँच गर्ने क्रममा तीव्रगतिमा सूर्यविनायकतर्फ जाँदै गरेको बा ४० प १३८९ नम्बरको मोटरसाइकललाई रोक्ने क्रममा मोटरसाइकल सडकको फलामको बारमा गएर ठोक्किँदा दुर्घटना भएको थियो । दुर्घटनामा काठमाडाँ गोठाटार घर भई शङ्खमूलस्थित कोलम्बस कलेजमा अध्यनरत १९ वर्षीय रोशन थापाको शिक्षण अस्पताल महाराजगन्जमा उपचारका क्रममा मृत्यु भएको प्रहरीले जनाएको छ ।

दुर्घटनामा मोटरसाइकल पछाडि बस्ने दीपक खत्री गम्भीर घाइते भएका छन् भने उनको शिक्षण अस्पतालमा उपचार भइरहेको छ । भएका ट्राफिक जाँचमा संलग्न गम्भीर घाइते ट्राफिक प्रहरी जवान प्रदीप राईको बिएन्डबी अस्पतालमा उपचार भइरहेको प्रहरीले जनाएको छ । उनको अण्डकोषमा क्षति भएको र हातखुट्टासमेत भाँच्चिएको बताइएको छ ।

कलेज पोसाकमा तीव्रगतिमा आएका विद्यार्थी ट्राफिक जाँच छलेर भाग्न खोजेको ट्राफिक प्रहरीले समाउन खोज्दा दुर्घटना भएको प्रत्यक्षदर्शीले बताएका छन् । दुर्घटना भएलगत्तै स्थानीय बासिन्दा, मृतकको परिवार र कलेजका विद्यार्थी तथा शिक्षकले सल्लाघारी बन्द गराउन बिहानैदेखि मध्याहृनसम्म पनि सडक अवरुद्ध गराएका छन् ।

रमेश गिरी, रासस

प्रतिकृया दिनुहोस