१३ चैतमा बसेको बसेको मन्त्रिपरिषद्को बैठकले १८ औं सार्क शिखर सम्मेलन आगामी २८ कात्तिकमा गर्ने साथै सम्मेलनको तयारीका लागि विभिन्न समिति गठन गरेको छ ।

बैठकपछि सञ्चारकर्मीहरुस“ग कुरा गर्दै सूचना तथा सञ्चारमन्त्री मिनेन्द्र रिजालले सार्क सम्मेलनको तयारीका लागि विभिन्न मन्त्रीहरु रहेको तयारी समिति गठन गरिएकोे जानकारी दिए ।

त्यस्तै बैठकले अधिवक्ता सपना प्रधानमल्ललाई यातना विरुद्धको अन्तर्राष्ट्रिय समिति सदस्यको रुपमा नेपालको प्रतिनिधि तोक्ने निर्णय गरेको छ ।

मन्त्रिपरिषदको कार्यालय सिंहदरबारमा बसेको बैठकले यसअघि स्वेच्छिक अवकासमा गएका तर राहत रकम नलिएका माओवादीका पूर्व लडाकूलाई ५ लाख रुपैया“ उपलब्ध गराउने पनि निर्णय गरेको छ भने नेपाली सेनाका मेजर विसनकुमार राई र प्रमुख सेनानी नवराज गुरुङलाई ब्रुनाई सरकारले दिन लागेको सम्मान लिन अनुमति दिएको छ ।

त्यसैगरी स्वीस सरकारको १ अर्ब ५१ करोड रुपैया“ र जापान सरकारको ३५ करोड रुपैया“ बराबरको अनुदानका लागि वार्ता प्रक्रिया अघि बढाउन अर्थ मन्त्रालयलाई सरकारले जिम्मेवारी दिएको छ ।

बैठकले जमैका सरकारस“ग कुटनीतिक सम्वन्ध बिस्तार गर्ने निर्णय गर्नुका साथै जापानको फुकुओ शहरमा अवैतानीक दूतमा जापानी नागरिकलाई नियुक्त गर्ने निर्णय गरेको छ ।

प्रतिकृया दिनुहोस