सुदूरपश्चिमको पर्यटन प्रवद्र्धन तथा यहाँको परिचयको दायरालाई फराकिलो बनाउन ‘एयरक्राफ्ट म्युजियम’ बनाउन लागिएको क्याप्टेन वेद उप्रेतीले जानकारी दिएका छन् । संग्रहालय बनाउनका लागि कस्मिक एयरको पुरानो फोकर–१०० ग्राउण्डेड विमान धनगढी ल्याइएको छ ।

एयरक्राफ्ट म्युजियमका लागि धनगढी ल्याइएका विमानका पूर्जाहरु ।

धनगढी नगरपालिका–५ हसनपुरमा सञ्चालन हुने संग्रहालयमा विमानका आविस्कारक राइट दाजुभाइले १७ डिसेम्बर १९०३ मा निर्माण गरेको विमानदेखि पाइलटरहित आधुनिक विमान ड्रोनका तस्वीर साथै नागरिक र मिलिट्री मोडेल विमानहरु अवलोकनका लागि राखिने क्याप्टेन उप्रेतीले जानकारी दिए ।

सुदूरपश्चिमाञ्चलका पर्यटकीय दृष्टिले महत्वपूर्ण स्थलहरू, यहाँको कलासंस्कृति तथा आधुनिक प्रविधिबाट ‘क्यानभास प्रिन्ट र फ्रेमिङ’ भएका तस्वीरहरू समेत संग्राहलयमा राखिने छन् ।

उप्रेतिले भने, “म्यूजियम सञ्चालनबाट प्राप्त नाफाको केही हिस्सा कैलाली जिल्लाका क्यान्सर पीडित र केही विद्यालयका बालबालिकालाई छात्रवृत्ति स्वरुप प्रदान गरिनेछ ।”

आफू पाइलट भएकोले ‘एयरक्राफ्ट म्यूजियम’ मा आकर्षित भएको उप्रेतीले बताए । उनका अनुसार विमानका पार्टपुर्जाहरू जोड्न समय लाग्ने हुँदा आउँदो भदौदेखि संग्रहालय सञ्चालनमा आउनेछ ।

कपिल भट्ट, धनगढी

प्रतिकृया दिनुहोस