सविता श्रेष्ठ, चितवन

एमाओवादी नेता भट्टराईले तत्कालीन माओवादीको जनसरकार प्रमुखको हैसियतले सशस्त्र द्वन्द्वमा भएका सबै घटनाको जवाफदेही आफू भएको बताएका हुन् । जिल्ला प्रहरी कार्यालय चितवनमा १७ चैतमा भएको बिरोधसभामा उनले भने, “तत्कालीन माओवादीको जनसरकार प्रमुखको हैसियताले सबै घटनाको जिम्मेवारी म लिन्छु ।”

“सशस्त्र द्वन्द्वकालका सबै मुद्दा सत्य निरुपण तथा मेलमिलाप आयोगमार्फत् टुंगो लगाउनुपर्छ,” उनले भने, “यदि आयोगमार्फत् मुद्दा टुंगो नलगाउने भए म विरुद्ध मुद्दा चलाएर देखानोस् ।”

गोरखा फूजेलका कृष्ण अधिकारीको हत्या अभियोगमा पक्राउ परेकाको परिवारद्वारा आयोजित बिरोधसभालाई संबोधन गर्दै उनले आफूलाई पक्राउ गरेर मुद्दा चलाउन चुनौती दिए । अधिकारी हत्याका आरोपितका परिवारले १७ चैतमा जिल्ला प्रहरी कार्यालय चितवनमा बिरोधसभा गरेका थिए ।

उनले गृहमन्त्री वामदेव गौतमलाई भेटेर पक्राउ परेका आरोपितलाई रिहा गर्न आग्रह गरिसकेको पनि जानकारी दिए । “यदि पक्राउ परेकाहरु रिहा भएनन् भने घटनाले अर्को रुप लिन्छ,” उनले चेतावनी दिए ।

प्रतिकृया दिनुहोस