काठमाडौंबाट सिन्धुपाल्चोकको भोटाङ गाविस जाँदै गरेको बा२च ७३८९ नम्बरको जीप थापालधापमा दुर्घटना हुँदा भोताङ–७ का १४ वर्षीय नालाङ डेर्पु लामा, १२ वर्षीया प्रेरणा लामा, १३ वर्षीया डोल्मा लामा, वडा नं ६ का ५० वर्षीय धाङसाङ लामा, ५५ वर्षीया श्रीमाई तामाङको मृत्यु भएको छ ।

दुर्घटनामा गम्भीर घाइते वडा नं ५ का चालक सोनाम लामाको उपचार गर्न लैजाँदै गर्दा बाटोमै मृत्यु भएको प्रहरी नायब उपरीक्षक भरतबहादुर बोहोराले जानकारी दिए । त्यसैगरी गम्भीर घाइते एक जनालाई उपचारका लागि काठमाडौँ लगिएको छ ।

जीप थाङलाङधाप वडा नं १ स्थित लामिडाँडामा सडकबाट करिब ३०० मिटर तल खसेको थियो ।

जिपमा सवार यात्रुमध्ये भोटाङकै अभिनाश लामा हामफालेर ज्यान जोगाउन सफल भएका छन् ।

कच्ची तथा साँघुरो बाटो भएको र उकालोको घुम्तीमा पुगेपछि जीप पछि हटेर खसेको जिल्ला प्रहरी कार्यालय सिन्धुपाल्चोकले जनाएको छ ।
—————————————————————————-

जीप दुर्घटनाहुँदा ५ जनाको घटनास्थलमै मृत्यु
सिन्धुपाल्चोकको थाङ्पालाधाप– १ मा जीप दुर्घटना हुँदा ५ जनाको घटनास्थलमै मृत्यु भएको छ।

काठमाडौंबाट सिन्धुपाल्चोकको भोटाङ जाँदै गरेको जीप थाङ्पालधाप–१ सिंहालेमा दुर्घटना हुँदा ४ महिला र १ पुरुषको मृत्यु भएको छ भने दुईजना घाइते भएका छन्।

बा २ च ७३८९ नम्बरको जीप घुम्तीको उकालो उक्लन नसकी पछाडि चिप्लिएको प्रत्यक्षदर्शीले बताएका छन् । जीप पछाडि चिप्लिन थालेपछि एक जना यात्रु भने हामफालेर ज्यान जगाउन सफल भएका छन् ।

चालकसहित दुईजना घाइतेलाई उपचारका लागि काठमाडौं पठाइएको छ।

प्रतिकृया दिनुहोस