नयाँबानेश्वरमा १३ भदौ बिहान बसेको बैठकले संविधानसभा पुनर्स्थापना गर्ने कि ताजा जनादेशमा जाने भन्ने विषयमा सहमति गर्ने जिम्मा तीन शीर्ष नेतालाई दिएको हो । बैठकले राजनीतिक निकासको लागि छलफललाई निरन्तरता दिने सहमति गरेको छ ।

निकास ननिस्केसम्म शीर्ष तहको छलफललाई निरन्तरता दिने सहमति गरेको नेताहरूले बताएका छन् । माओवादीले नयाँ चुनाव या संविधानसभाको पुनर्स्थापना बारेको विकल्प पेश गरेको प्रवक्ता अग्नि सापकोटाले जानकारी दिए ।

विकल्पका विषयमा गम्भीर छलफल भएको र फेरि पनि छलफललाई निरन्तरता दिने एमाले महासचिवर् इश्वर पोखरेलले बताए । संविधानसभा विघटन भएको तीन महीना बितिसक्दा समेत राजनीतिक गतिरोध अन्त्य नभएपछि दलहरू गम्भीर छलफलमा जुटेका हुन् । राष्ट्रपतिले छिटो निकास निकाल्न दलहरूलाई पटकपटक आग्रह गर्दै आएका छन् ।

छलफलमा एमाओवादीबाट अध्यक्ष दाहाल, सापकोटा र अमिक शेरचन, कांग्रेसबाट सभापति कोइराला, रामचन्द्र पौडेल, प्रकाशमान सिंह, कृष्ण सिटौला, मिनेन्द्र रिजाल र एमालेबाट अध्यक्ष खनाल, माधवकुमार नेपालर्, इश्वर पोखरेल र भीम रावल सहभागी थिए ।

प्रतिकृया दिनुहोस