मैथिल ब्राह्मण सभाले छिन्नमस्तामा आयोजना गरेको संस्कृति सम्मेलनको उद्घाटन गर्न २६ चैतमा सप्तरी आइपुगेका उपराष्ट्रपति परमानन्द झाले दाइजोजस्तो कुप्रथाका कारण मिथिला क्षेत्रमा महिला हिंसा बढिरहेको भन्दै चिन्ता व्यक्त गरेका छन् ।

दाइजोको निहुँमा महिलामाथि हिंसा बढेको भन्दै यस्तो कुप्रथा हटाउन र महिलाप्रति सम्मान गर्न सबै तह र तप्कामा चेतना विस्तार गर्नुपर्ने उनले बताए ।

दाइजोकै कारण नेपाल र भारतका मैथिल ब्राह्मणबीचको सम्बन्धमा चिसोपना आएको बताउँदै उपराष्ट्रपति झाले पछिल्लो समयमा नेपालीले भारतीयलाई र भारतीयले नेपालीलाई छोरी दिन नचाहिरहेको बताए ।

नेपालको मिथिला क्षेत्रमा बिभिन्न धर्म, संस्कृतिका व्यक्तिहरु रहेको बताउँदै उनले सबै एकजुट हुनुपर्ने आवश्यक्ता औंल्याएका थिए ।

उपराष्ट्रपति झाले नेताहरुमा सदबुद्धि आओस र निर्धारित समयमै संविधान बनोस भनी छिन्नमस्ता भगवतीसँग प्रार्थना समेत गरेका थिए ।

श्रवणकुमार देव, राजविराज

प्रतिकृया दिनुहोस