जनकपुरस्थित बलराम गुप्ताको घरबाट प्रहरीले ६ किलो सुन बरामद गरेको छ ।

प्रहरीले २६ चैतमा जनकपुरको शिवचौकस्थित बलरामप्रसाद गुप्ताको घरमा छापा मारी ६ किलो अबैध सुनसहित दुईजनालाई पक्राउ गरेको छ ।

प्रहरी उपरीक्षक उत्तमराज सुवेदीका अनुसार ६ केजी अवैध सुनसहित बलराम गुप्ता र सन्तोषहालाई पक्राउ गरिएको छ । गुप्तामाथि बिदेशी मुद्रा र सुन तस्करी गरेको आरोप लाग्दै आएको थियो ।

प्रहरी अनुसन्धान ईकाई हनुमान ढोका काठमाडौंबाट आएका प्रहरी अनुसन्धान अधिकृत र जिल्ला प्रहरी कार्यालय धनुषाको संयुक्त टोलीले दिउँसो १ बजे बलराम गुप्ताको घरमा छापा मारेको हो ।

प्रहरीले गुप्ताको घरमा चारैतिर घेरा हालेर छापा मारेको थियो । स्थानीयबासीका अनुसार प्रहरीले सुनसहित ५ वटा बोरामा राखिएको चाँदीको ढिक्का समेत बरामद गरेको छ ।

धनुषाका प्रहरी उपरिक्षक उत्तमराज सुवेदीले भने, “६ केजी अबैध सुनसहित दुईजनालाई नियन्त्रणमा लिएका छौं, थप अनुसन्धान भईरहेको छ ।”

इश्वरचन्द्र झा, जनकपुर

प्रतिकृया दिनुहोस