२९ चैत राति हृदयाघातपछि अस्पताल भर्ना गरिएका कवि तथा गीतकार क्षेत्रप्रताप अधिकारीको ३० चैत राति ७२ वर्षको उमेरमा निधन भएको छ ।

कठमाडौंको बाँसवारीस्थित गंगालाल हृदय केन्द्रमा उपचारका क्रममा ३० चैत राति ८:१४ मा अधिकारीको निधन भएको अस्पतालले जनाएको छ ।

क्षेत्रप्रताप अधिकारीको जन्म विसं १९९९ चैतमा तनहुँको मिर्लुङ गाविसको ज्यामरूक कथापानी गाउँमा भएको थियो ।
गीतकारका रूपमा प्रसिद्धि कमाएका अधिकारीका थुप्रै कविता संग्रह प्रकाशित छन् ।

‘रहर लागेर’, ‘गामबेसीका गीत’, ‘पहाडेखि पहाडसम्म’, ‘नफुलेका फूलहरू’, ‘फेरि एउटा परिवर्तन’, ‘तर देश हारिरहेछ’, ‘अकविता’ ‘युद्ध र छाया’ नामका कृतिहरु प्रकाशित छन् ।

अधिकारीका गीत तथा कविताहरूमा राष्ट्रियता, प्रकृति प्रेम, ग्रामिण समाजप्रतिको आकर्षण, युगीन बेथितिहरूको चित्रण पाइन्छ ।
पञ्चायतकालमा शिक्षा सहायकमन्त्री समेत भएका अधिकारी कुनै बेला बसमा परिचालकको कामसमेत गरेका थिए ।

अधिकारीका दुई छोरा छन्।

प्रतिकृया दिनुहोस