पर्साका तत्कालिन सहायक प्रजिअको सुरक्षामा खटिएका प्रहरी जवान अनन्तराज खड्कालाई सरकारी निवास ाहिर गोली प्रहार गरेर फरार भएका छोटु भनिने रुपेश गिरीलाई पर्सा प्रहरीले १४ वैशाखमा पक्राउ गरेको छ ।

जिल्ला प्रहरी कार्यालय पर्सामा आयोजित पत्रकार सम्मेलनमा प्रहरी उपरीक्षक धिरजप्रताप सिंहले तत्कालिन सहयक प्रजिअ मल्लका अगँरक्षक प्रहरी जवान खड्कालाई गोली प्रहार गरेर हत्या २५ वर्षीय गिरीले नै गरेको जानकारी दिए ।
बाराको सुखीपथरा– १ निवासी गिरीलाई वीरगञ्जको छपकैयाबाट प्रहरीले पक्राउ गरेको हो ।

उनीमाथि ५ जेठ २०६७ मा वीरगञ्जका ब्यापारी गोपाल केडियालाई गोली प्रहार गरेर घाइते बनाएको आरोप पनि रहेको प्रहरी उपरीक्षक धिरजप्रताप सिंहले जानकारी दिए ।

लामो समयदेखि फरार गिरी ‘संयुक्त जनतान्त्रिक तराई मुक्ति मोर्चा’ सँग आवद्ध पेशेवर सुटर भएको प्रहरीले जनाएको छ ।

बिम्मी शर्मा, वीरगञ्ज

प्रतिकृया दिनुहोस