नेपाल विद्युत् प्राधिकरण कर्मचारी युनियन जनकपुर–सगरमाथा क्षेत्रीय समितिद्वारा १८ वैशाखमा आयोजित कार्यक्रममा उर्जामन्त्री राधा ज्ञवालीले आउँदो तीन वर्षभित्र लोडसेडिङ अन्त्य गर्ने लक्ष्य लिई सरकारले काम थालिसकेको दाबी गरेकी छन् ।

मन्त्री ज्ञवालीले ऊर्जा क्षेत्रका समस्यालाई कानूनी अड्चनबाट अन्त्य गर्न ऐन संशोधन गर्ने तयारी सरकारले थालिसकेको बताउँदै जलाशययुक्त खुला र मझौला परियोजनाहरुको काम पूरा भइसकेको र बाँकी रहेका परियोजनाको काम आउँदो वर्षहरुमा पूरा गर्ने लक्ष्य रहेको बताइन् ।

विद्युत् प्राधिकरण हाम्रो हो भन्ने भावना आम नेपालीमा जागृत गराउन ‘जनताको विद्युत् जनताको लगानी’ कार्यक्रम ल्याउने तयारी भइरहेको पनि उनले जानकारी दिइन् ।

हेटौंडामा मात्रै मर्मत केन्द्र रहेका कारण तराईमा विद्युत्मा समस्या देखिने गरेको भन्दै उनले आउँदो दिनमा नेपालगन्ज र लहानदेखि पूर्व दुई वटा मर्मत केन्द्रको स्थापना गर्न सरकार प्रतिबद्ध रहेको बताएकी थिइन् ।
रासस

प्रतिकृया दिनुहोस