केही समयदेखि तराईका जिल्लाहरुको भ्रमण गरिरहेका पूर्वराजा ज्ञानेन्द्र शाह पूर्व बडामहारानी कोमल शाहसँगै साता लामो बसाइँका लागि झापा आइपुगेका छन् । उनले झापा र मेची अञ्चलका विभिन्न धार्मिक तथा साँस्कृतिक शक्तिपीठका साथै एतिहासिक स्थलहरुको भ्रमण गर्नेे स्वागत समितिका अध्यक्ष नारायण राजवंशीले बताए ।

भद्रपुर विमानस्थलमा पूर्वराजा ज्ञानेन्द्रको स्वागतका लागि उपस्थित उनका समर्थकहरुले पूर्व राजा–रानीको सम्मानमा नारा लगाएका थिए । विमानस्थलको विशिष्ट कक्षमा पत्रकारहरुले जिज्ञासा राख्न खोज्दा उनले कुनै जवाफ दिएनन् ।

भद्रपुर विमानस्थलबाट दमकतर्फ प्रस्थान गरेपछि आजै पूर्व राजदम्पतीले गरामनीस्थित दूर्गा मन्दिरमा पूजापाठ गरेका थिए ।

उनी झापामा दमकस्थित हिमालय टि–स्टेटमा रहनेछन् ।

गोपाल गडतौला, झापा

प्रतिकृया दिनुहोस