किसानसँग उखु खरिद गर्दा तौलमा ठगी  गरेको अभियोग पक्राउ परेका लुम्बिनी चिनी उद्योगका महाप्रवन्धक बाबुलाल अग्रवाललाई जिल्ला अदालतमा मुद्दा चलाइने प्रहरी उपरीक्षक  बिष्णुहरि गौतमले बताएका छन् ।

उद्योग मन्त्रालयले ठगी मुद्दा चलाउने निर्णय गरेपछि प्रहरीले  अग्रवाललाई हिरासतमा लिएको  एसपी गौतमले जानकारी दिए ।  उनका अनुसार  उद्योगका सञ्चालक मनिष अग्रवाललाई समेत प्रहरीले पक्राउ गर्न पुर्जी जारी गरेको छ । उनी राजधानीमा रहेकाले  पक्राउ गर्न काठमाडौं प्रहरीलाई पत्रचार गरेको गौतमले बताए ।

किसानहरुले बिक्रीका लागि उद्योगमा ल्याएको उखु तौल गर्दा ठगी गरेको भन्ने उजुरी परेपछि दुई महिना अघि उद्योग मन्त्रालयले नेपाल गुणस्तर तथा नापतौल विभागका बरिष्ठ निरिक्षकको संयोजकत्वमा ५ सदस्यीय छानविन समिति वनाएर अनसन्धान शुरु गरेको थियो ।

एसपी गौतमका अनुसार अनुसन्धान टोलीले उद्योगले रु ३१ लाख ९४ हजार ८ सय रुपैयाँ ठगी गरेको प्रतिवेदन बुझाएपछि सरकारको आदेशमा अग्रवाललाई पक्राउ गरिएको हो ।

अनुसन्धानको क्रममा छानविवन टोलीले उद्योगले मिल गेट र तौल केन्द्रमा  ९ टन जोख्दा तिन क्वीन्टल कम पाईएको थियो ।
विद्रोही गिरी, नवलपरासी

प्रतिकृया दिनुहोस