प्रहरीले रु.१३ लाख मूल्य बराबरको मोबाइलसहित चार जना भारतीय तस्करलाई पक्राउ गरेको हो । २८ बैशाख राति पक्राउ परेका उनीहरुलाई पर्सा प्रहरीले २९ बैशाखमा सार्वजनिक गरेको छ ।

प्रहरीले सार्वजनिक गरेका मोबाइल तस्करीमा संलग्न भारतीयहरु । तस्वीरः बिम्मी शर्मा

विशेष सुराकीको आधारमा जिल्ला प्रहरी कार्यालयबाट खटिएको प्रहरीको टोलीले छपकैयाबाट उनीहरुलाई पक्राउ गरेको हो । उनीहरुको साथबाट प्रहरीले नोकिया, सामसुङ्ग, एप्पल, ब्लाकबेरी र एचटीसी कम्पनीका मोबाइल सेट बरामर गरेको छ ।

पक्राउ पर्नेहरुमा विहार मोतिहारी, बिजबनी घोघियाका महम्मद सेराज, महम्मद सलीम, बेतिया पथकैयाका राजु महतो र घोडासहनका जितेन्द्र जयसवाल छन ।

मोबाइलसहित पक्राउ परेका उनीहरुलाई आवश्यक कारवाहीका लागि राजश्व अनुसन्धान विभाग मध्यमान्चल क्षेत्रीय कार्यालय पथलैयामा बुझाइएको जिल्ला प्रहरी कार्यालय पर्साले जनाएको छ ।

बिम्मी शर्मा, वीरगञ्ज

प्रतिकृया दिनुहोस