वीरगञ्ज–पथलैया औद्योगिक करिडोरअन्तर्गत बाराको छातापिपरास्थित विनायक एग्रो कत्था मिल प्रालीमा आगलागी भएको हो । ९ जेठ बिहान भएको आगलागीमा करोडौ मूल्य बराबरको क्षति भएको छ ।

उद्योगमा लागेको आगो निभाउँदै सुरक्षाकर्मी । तस्वीरः श्याम गुप्ता

आगो नियन्त्रण लिने क्रममा जिल्ला प्रहरी कार्यालय कलैयाबाट गएको प्रहरी टोलीका एक जवान घाइते भएका छन् । आगो निभाउन चौध फिटको उचाइमा चढेका प्रहरी रमेश घलान अचानक पर्खाल भत्किदाँ घाइते भएका हुन् । उनलाई उपचारका लागि वीरगञ्जस्थित नारायणी उपक्षेत्रीय अस्पतालमा पठाइएको छ ।

विद्युत् सर्किट सर्ट भइ आगो लागेको प्रहरीले जनाएको छ । उद्योगमा भण्डारण गरेर राखिएको तयारी अवस्थाको कत्था, कच्चा पदार्थ, विभिन्न प्लान्टसहित उद्योगको भवन जलेर नष्ट भएको छ ।

श्याम गुप्ता, बारा

प्रतिकृया दिनुहोस