नेकपा एमालेको आसन्न महाधिवेशनको सन्दर्भमा काठमाडौंमा आयोजित मोर्चा सङ्गठन भेलामा वरिष्ठ नेता माधव नेपालले देशव्यापीरुपमा आफूप्रति युवा नेता तथा कार्यकर्ताको लहर देखापरेको भन्दै आफू सहमतिमै अध्यक्ष बन्ने दावी गरेका छन् ।

पूर्वप्रधानमन्त्री नेपालले भने, “पार्टी र मुलुक हाँक्न सक्षम युवा नेतृत्व चाहिन्छ, मेरो समर्थनमा सक्षम र वैचारिक हिसाबले योग्य युवा जमात छ, पार्टी अध्यक्षका लागि सहमति पनि हुन सक्छ ।”

नेता नेपालले मुलुकमा सामाजिक र आर्थिक क्रान्ति गर्न जरुरी भएको बताउँदै त्यसका लागि स्पष्ट कार्यदिशा दिनसक्ने नयाँ नेतृत्व महाधिवेशनबाट आउनुपर्नेमा उनले जोड दिए ।

सो भेलामा पूर्व मन्त्री भीम रावल, राजेन्द्र राई, ठाकुर गैरेलगायत नेताहरूले अनुभवी नेता नेपाललाई पार्टीको आगामी महाधिवेशनबाट अध्यक्ष बनाउनुपर्ने धारणा व्यक्त गरेका थिए ।
रासस

प्रतिकृया दिनुहोस