प्रहरीले सप्तरीबाट नेपाली जनता दलका जिल्ला अध्यक्ष गुलाब यादव, बसबिट्टी–७ का विद्यानन्द ठाकुर, श्याम दास, महदेवा–७ का भागवत अधिकारी, पातो–४ का डोमी मुखिया, मलेठ–६ का राकेश दास र विजयकुमार दासलाई जुवाको खालबाट १६ जेठ साँझ पक्राउ गरेकोे छ ।

जिल्ला प्रहरी कार्यालयको गस्ती टोलीले छापा मारेर १६ थान कौडा, नगद एक लाख तीन हजार ६८४ रुपैयाँ, ६ थान मोबाइल, दुईवटा मोटरसाइकल र दुईवटा साइकल बरामद गरेको प्रहरी उपरीक्षक दिनेश अमात्यले जानकारी दिए ।

उनीहरुलाई जुवा ऐन, २०२० अन्तर्गत मुद्दा दर्ता गरी कानुनी कारबाहीका लागि जिल्ला अदालतबाट म्याद थप गरी प्रहरी हिरासतमा राखिएको छ ।
रासस

प्रतिकृया दिनुहोस