आयोगले २१ जेठमा विज्ञप्ति जारी गर्दै संस्कृति, पर्यटन तथा नागरिक उड्डयन मन्त्रालयका निमित्त सचिव, नेपाल नागरिक उड्डयन प्राधिकरणका उपमहाप्रबन्धक, नेपाल वायुसेवा निगमका महानिर्देशकसहितको उच्च पदाधिकारी सम्मिलित बैठकले आयोगका पदाधिकारीसमक्ष आगामी १ असारदेखि उडान सञ्चालन गर्ने प्रतिबद्धता व्यक्त गरेको र सोहीअनुरुप उडान हुनेमा आयोग विश्वस्त रहेको जनाएको छ ।

१ असारदेखि उडान नभएमा सम्बन्धित पदाधिकारीलाई जिम्मेवार बनाई आयोगबाट थप अनुसन्धान शुरु गरिने आयोगले चेतावनी दिएको छ ।

समयमा उडान नियमन एवम् व्यवस्थापन गर्न नसक्दा हवाइ सेवाग्राहीले सेवा सुविधा उपभोग गर्नबाट वञ्चित हुनुपरेको, निगमले दैनिक लाखौंको घाटा बेहोर्नुपरेको उजुरी तथा जनगुनासो आएपछि आयोगको ध्यानाकर्षण भएको विज्ञप्तिमा उल्लेख छ ।

गत १४ वैशाखमा चीनबाट नेपाल ल्याइएको एमए– ६० विमानको पटक÷पटक उडान तालिका स्थगन हुँदै आएपछि अख्तियारले १ असारदेखि उडान शुरु गर्न निर्देशन दिएको हो ।

रासस

प्रतिकृया दिनुहोस