सरकारले बजेट रकमान्तर गरी जथाभावी खर्च गरेको, चारबुँदे सहमति कार्यान्वयनमा सरकार अग्रसर नभएको, बेपत्ता छानबिन आयोगमा मधेशलाई उपेक्षा गर्न खोजिएको भन्दै सदनमा विपक्षी दलका सभासद्हरूले सदनमा विरोध जनाएका छन् ।

बैठकमा एमाओवादीका सभासद अग्निप्रसाद सापकोटाले प्रमुख विपक्षी दललगायत अन्य दलका नेता बैठक खुलाउन निरन्तर लागेको र चारबुँदे सहमति भइसक्दा पनि सरकारले कार्यान्वयनमा बेवास्ता गर्नु अलोकतान्त्रिक भएको बताए ।

बजेट रकमान्तरले जथाभावी खर्च बढेको, प्रहरी अधिकारीको बढुवाका लागि आर्थिक चलखेल भएको र विपक्षीले सदनको अवरोध खुलाउन पहल गर्दा पनि सरकारले बेवास्ता गरेको भन्दै सापकोटाले सरकारको लाचारीले सिङ्गो सदनको बेइज्जत भएको दाबी गर्दै सदनको कारबाही अघि नबढाउन माग गरे ।

त्यसपछि विपक्षीहरूले उठेर विरोध जनाएपछि सभामुख सुवास नेम्वाङले वैठक २५ जेठसम्मका लागि स्थगित भएको घोषणा गरेका थिए ।

प्रतिकृया दिनुहोस