बढूवा सिफारिसमा नपरेका डीआईजी पर्शुराम खत्रीले दायर गरेको रिटमा २६ जेठमा अन्तरिम आदेश जारी गर्दै पुनरावेदन अदालत ललितपुरले मुद्दाको टुंगो नलागेसम्म सिफारिस कार्यान्वयन नगर्न आदेश दिएको थियो ।

न्यायाधीश रामेश्वरमान अमात्यको एकल इजलासले दिएको आदेशमा निवेदनको अन्तिम टुङ्गो नलागेसम्म बढुवा समितिको सिफारिस निर्णय कार्यान्वयन नगर्न नगराउन आदेश जारी गरेको थियो ।

३ असारमा न्यायाधीशद्वय द्वारिकामान जोशी र डम्बरबहादुर शाहीको संयुक्त इजलाशले यसअघि दिएको अन्तरिम आदेश खारेज गरेर डिआइजीको एआइजीमा बढुवाको ढोका खुल्ला गरिदिएको छ । बढूवा सिफारिसमा परेका ६ डीआईजीले अन्तरिम आदेश खारेजीका लागि निवेदन दिएका थिए ।

आदेशमा अन्तरिम आदेश जारी नगर्दा अपूरणीय क्षति हुने नदेखिएको भनेको छ ।

डीआईजी राजेन्द्रसिंह भण्डारी, सुरेन्द्रबहादुर शाह, विज्ञानराज शर्मा, प्रतापसिंह थापा, वीरेन्द्रबहादुर श्रेष्ठ, रमेशशेखर बज्राचार्य र केदार साउद एआईजी बढूवाको सिफारिसमा परेका थिए ।

प्रतिकृया दिनुहोस