फाइल तस्वीर

काबेली करिडोरअन्तर्गत पाँचथरको फिदिम–जोरसालखण्डमा स्थानीयले अवरोध गर्दा आयोजनाको काम अघि बढ्न नसकेको हो । करिडोरको सवस्टेशन निर्माणका लागि प्रस्ताव गरिएको जग्गाको मुआब्जा माग गर्दै स्थानीयले अवरोध गरेको आयोजनाले जनाएको छ ।

झापाको लखनपुरदेखि पाँचथरको काबेलीसम्म निर्माण हुने प्रशारणलाइनअन्तर्गत चार वटा सवस्टेश राख्नका लागि काम शुरु भएको छ । करिडोरअन्तर्गत झापा–ईलाम खण्डको काम अन्तिम चरणमा पुगेको आयोजना प्रमुख उद्धवलाल श्रेष्ठले जानकारी दिए ।

झापा–इलाम खण्डको इलामस्थित गोदोक, राँके र पाँचथरको फिदिममा सवस्टेशनको चलिरहेको छ । चारवटै ठाउँमा निर्माण कार्य भइरहे पनि पाँचथरको फिदिममा अवरोध आएको आयोजना प्रमुख श्रेष्ठले बताए ।

स्थानीयले उचित मुआब्जा पाए प्रशारणलाइन निर्माणको काममा अवरोध नगर्ने बताएका छन् । सरोकारवालाको छलफलमा उनीहरुले आफूहरुले उचित मुआब्जा पाउनुपर्ने बताएका छन् ।

चारवर्ष अघि शुरु भएको आयोजना २०७२ भित्रमा पूरा गर्ने लक्ष्य छ । रु.२ अर्ब ५८ करोड अनुमानित लागतको करिडोर तोकिएको समयभित्रै पूरा गर्न काम अघि बढाइरहेको आयोजनाका जनसम्पर्क अधिकृत प्रेमराज लिम्बूले बताए ।

लक्ष्मी गौतम, पाँचथर

प्रतिकृया दिनुहोस