सिरहा–मिर्चैया सडक खण्डको अर्नमा ९ मा १२ असार दिउँसोे करिब १ बजे अपरिचित व्यक्तिले गरेको गोली प्रहारबाट सिरहा मझौलिया–४ का ३५ वर्षीय चुल्हाई यादव र लक्ष्मेश्वर साह गम्भीर घाइते भएको प्रहरीले जनाएको छ ।

उनीहरु घरायसी कामका लागि मोटरसाइकलमा सिरहा बजारतर्फ जाँदै गर्दा अर्को मोटरसाईकलमा सवार तीनजनामध्ये एकले गोली प्रहार गरेको प्रहरीको भनाई छ ।

यादवलाई पेटमा र साहलाई ढाडमा गोली लागेको सिरहाका प्रहरी उपरीक्षक पूर्णचन्द्र जोशीले जानकारी गराए ।

गोली लागेर घाइते भएका साह र यादवलाई मिर्चैयामा प्राथमिक उपचारपछि थप उपचारका लागि धरान लगिएको छ ।

गोली प्रहार गर्ने व्यक्तिको पहिचान हुन नसकेकको भन्दै उपरीक्षक जोशीले गोली घटनाको अनुसन्धान भइरहेको बताएका छन् ।
श्रवणकुमार देव, राजविराज

प्रतिकृया दिनुहोस