अख्तियारले घुस लिएको आरोपमा काठमाडौंका सहायक जिल्ला न्यायधीवक्ता रामबहादुर थापा र नायव सुब्बा केदारप्रसाद अर्यालविरुद्ध मुद्दा दायर गरेको हो । उनीहरुविरुद्ध २७ असारमा विशेष अदालतमा मुद्दा दायर गरेको अख्तियारले जनाएको छ ।

उनीहरुले मिलेमतोमा चोरी मुद्दामा पक्राउ परेका थुनुवासँग रु.२५ हजार घुस लिएको अख्तियारका प्रवक्ता श्रीधर सापकोटाले जानकारी दिए ।

चोरी मुद्दामा पक्राउ परी अनुसन्धानको सिलसिलामा महानगरीय प्रहरी परिसर हनुमानढोकामा थुनामा रहेका एक थुनुवाको मुद्दा मिलाइदिने सर्तमा उनीहरुले घुस लिएको अख्तियारको ठहर छ ।

उनीहरुविरुद्ध भ्रष्टाचार निवारण ऐन अनुसार हदैसम्म सजायको माग दावी गरिएको सापकोटाले बताए ।

प्रतिकृया दिनुहोस