प्रहरी प्रधान कार्यालयले प्रहरी वरिष्ठ उपरीक्षक (एसएसपी) रमेश खरेललाई काठमाडौंबाट प्रधान कार्यालयको कार्यविभागमा सरुवा गरेको छ। खरेलको स्थानमा केन्द्रीय अनुसन्धान ब्युरोका (सिआइबी) का एसएसपी उत्तम कार्कीलाई ल्याइएको छ ।

‘बढुवाका लागि डिआइजीहरु ब्रिफकेस बोकेर शक्तिकेन्द्र धाउने गरेको’ भन्ने अभिव्यक्ति दिएपछि खरेल एक महिनाअघि प्रहरी प्रधान कार्यालय तानिएका थिए ।

तर, काठमाडौं क्षेत्र नम्बर २ को उप–निर्वाचनका कारण निर्वाचन आयोगले उनको सरुवा अस्वीकृत गरेपछि उनलाई विदामा पठाइएको थियो ।

विदामा बसेका खरेलको विदा सकिएपछि २९ असारमा उनको सरुवा भएको हो ।

त्यस्तै प्रधान कार्यालयले महानगरीय प्रहरी आयुक्तको कार्यालयमा डिआइजी विज्ञानराज शर्मालाई ल्याएको छ भने त्यहाँका डिआइजी विश्वराज सिंह शाहीलाई आइजीपी सचिवालयमा लगेको प्रहरी प्रवक्ता गणेश केसीले जानकारी दिए ।

सिआइवीको प्रमुखमा डिआइजी हेमन्त मल्ल लगिएका छन् ।

महानगरीय प्रहरी अपराध महाशाखामा एसएसपी पुष्कर कार्की नियुक्त भएका छन् ।

एसएसपी खरेलको हेडक्वार्टरमा सरुवा
आयोगले रमेश खरेलको सरुवा रोक्यो

प्रतिकृया दिनुहोस