मनाङको कोदोबाट लमजुङतर्फ आउँदै गरेको जीपमा चेकजाँचको क्रममा १ साउन साँझ माओवादीका दुई पूर्व लडाकु पक्राउ परेको प्रहरीले जनाएको छ । पक्राउ पर्नेमा रुकुमका नविन रोक्का मगर र उजिर रोक्का मगर छन् ।

धारापानी प्रहरी चौकीले चेकजाँचको क्रममा उनीहरुलाई पक्राउ गरिएको प्रहरीले जनाएको छ । प्रहरीले उनीहरुको साथबाट आधुनिक हतियार एके ४७ एक थान, १८ राउण्ड गोली, एक थान कटुवा पेस्तोल र एक थान चाइनिज पेस्तोल बरामद गरेको छ ।

कोदोबाट लमजुड फर्कदै गरेको अवस्थामा गाडी चेकजाँचका क्रममा पुर्व लडाकुले ढुड्गामुढासहित प्रहरीलाई आक्रमण समेत गरेका थिए । उनीहरुको आक्रमणबाट एक जना प्रहरी जवानको टाउकोमा चोट लागेको प्रहरीको भनाइ छ ।

एउटै जीपमा रहेका अन्य चार जना पूर्व लडाकुहरु भने फरार छन् । फरार हुनेहरुमा काभ्रेका विश्वास तामाङ, बिक्रम तामाङ, काठमाडौंका प्रेम लामा र पल बहादुर तामाङ रहेको प्रहरीले जनाको छ ।

सबै पूर्व लडाकुहरु स्वेच्छिक अवकास लिएकाहरु रहेको मनाङ प्रहरीले जनाएको छ । फरार सबैको खोजी तीब्र पारेको मनाडका प्रहरी प्रमुख राजेन्द्रबाबु रेग्मीले बताए ।

रेग्मीका अनुसार पक्राउ परेकाहरुले यार्सागुम्बा लुट्ने योजना बनाएर मनाङ पुगेर फर्किएको बताएका छन् । डोल्पामा यार्सागुम्बा लुटपाट भएपछि मनाङ प्रहरीले चेकजा“च तीब्र पारेको छ ।

युवराज श्रेष्ठ, लमजुङ

प्रतिकृया दिनुहोस