लिम्बुवान पक्षधर समूहहरु सञ्जुहाङ पालुङ्वा नेतृत्वको सङ्घीय लिम्बूवान राज्य परिषद्, कुमार लिङ्देन नेतृत्वको मञ्चसम्बद्ध सङ्घीय लिम्बूवान राज्य परिषद्, वीर नेम्बाङ नेतृत्वको लिम्बूवान मुक्ति मोर्चा, कमल छाराहाङ नेतृत्वको सङ्घीय लोकतान्त्रिक पार्टी र रामभक्त कुरुङ्वाङ नेतृत्वको लिम्बूवान मुक्तिमोर्चा नेपालबीच एकीकरण भएको छ ।

धनकुटाको भेडेटारमा साउन १८ र १९ गते सम्पन्न एकता वार्ताबाट पाँचै समूह एकीकरण हुने निर्णयमा पुगेको सङ्घीय लिम्बूवान राज्य परिषद्का अध्यक्ष सञ्जुहाङ पालुङ्वाले जानकारी दिए ।

पाँचवटै समूह एकीकरण भएर ‘सङ्घीय लिम्बूवान पार्टी नेपाल’ नामक नयाँ दल निर्माण भएको पालुङ्वाले बताए ।

नयाँ दलको औपचारिक घोषणा २० साउन दिउँसो धरानमा पत्रकार सम्मेलनमार्फत हुने भएको छ ।

प्रतिकृया दिनुहोस