नेकपा एमाले केन्द्रीय कमिटीको २७ साउनमा बसेको बैठकले नवौं महाधिवेशनमा  भएको निर्वाचनमा खुल्लातर्फको केन्द्रीय सदस्यमा बराबर मत ल्याउने खिमलाल भट्टराई र नागेन्द्र चौधरी तथा मुस्लिमतर्फको केन्द्रीय सदस्यमा बराबर मत ल्याउने मोहम्मद महफुज अन्सारी र सिराज अहमद फारुकीसमेत चारै जनालाई केन्द्रीय सदस्य बनाउने निर्णय गरेको छ ।

भट्टराई र चौधरीले समान ९८६ तथा अन्सारी र फारुकीले समान ९६४ मत ल्याएका थिए ।

निर्वाचन प्रक्रियाअनुसार सम्बन्धित उम्मेदवारलाई उपस्थित गराइ गोलाप्रथा अनुसार दुईजनालाई केन्द्रीय सदस्य बनाइनु पर्नेमा गोलाप्रथाका लागि डाक्दा कोही पनि उपस्थित नभएपछि यसबारे केन्द्रीय कमिटीले निर्णय गर्नुपर्ने निर्वाचन आयोगले निष्कर्ष निकालेको थियो ।

केन्द्रीय कमिटीले मनोनीत गर्ने १० प्रतिशतमा २ जना कटाएर मनोनयन गर्ने गरी राजनीतिक निर्णय गरिएको एमाले केन्द्रीय सदस्य पशुपति चौलगाइँले जानकारी दिए ।

त्यस्तै आजको बैठकमा पेश भएका महाधिवेशनबाट प्राप्त सुझावका आधारमा संशोधित राजनीतिक प्रस्ताव, संगठन तथा विधानसम्वन्धी प्रस्ताव र बैठक सञ्चालन कार्यविधिबारे २८ साउनमा बस्ने बैठकमा छलफल हुने चौलागाइँले जानकारी दिए ।

केन्द्रीय कमिटी बैठकमा अध्यक्ष केपी शर्मा ओलीले गुट–उपगुट विर्षेर पार्टीको सम्पूर्ण शक्ति संविधान निर्माणमा केन्द्रित गर्नुपर्ने बताएका थिए ।

प्रतिकृया दिनुहोस