प्रा वासुदेवचन्द्र मल्ल स्मृति प्रतिष्ठानद्वारा ३१ साउनमा आयोजित कार्यक्रममा प्रधानमन्त्री कोइरालाले पठाएको लिखित शुभकामना मन्तव्यमा उनले संविधान निर्माण कार्यलाई समयमै सम्पन्न गर्ने गरी काम बढिरहेको दाबी गरेका छन् ।

नेपालमा सात दशकदेखिको सङ्घर्षको उपलब्धिस्वरुप प्राप्त संविधानसभाले ८ माघभित्रै संविधान जारी गर्ने विश्वास व्यक्त गर्दै सन्देशमा संविधान लेखनलाई निष्कर्षमा पु¥याउन संवैधानिक समितिहरु सक्रिय रहेको जनाइएको छ ।

समाजलाई शिक्षा र प्रजातन्त्रको मार्गमा लैजान प्रा वासुदेवचन्द्र मल्लले पुर्‍याएको योगदान महत्वपूर्ण भएको चर्चा गर्दै सन्देशमा विद्वत् वर्ग समाजको आँखा भएको प्रधानमन्त्रीले बताएका छन् ।

कार्यक्रममा समाजसेवी मैयादेवी श्रेष्ठलाई यस वर्षको प्रा विसी मल्ल स्मृति पुरस्कार नगद रु १० हजार एकसहित प्रमाणपत्र र दोसल्ला ओढाएर प्रतिष्ठानका अध्यक्ष सहायक रथी नारायणचन्द्र मल्लले प्रदान गरेका थिए ।

प्रतिकृया दिनुहोस