कुश्मा नगरपालिका– १८ पकुवाका हरिलाल चापागार्इंको घर पुरिँदा उनकी श्रीमती ५८ वर्षीया पुतली, तीजमा माइत आएकी छोरी २६ वर्षीया जमुना पौडेल र उनका छोरा र छोरी पुरिएको जिल्ला प्रहरी कार्यालय पर्वतले जनाएको छ ।

बिहान ७ बजेको समयमा घरमाथिको राम्चेको डाँडो खसेर घर पुरिएकाले उनीहरु बेपत्ता भएका हुन् । गाउँलेले पहिरो पन्छाएर श्रीमती पुतलीको उद्धारको प्रयास गरिरहेका छन् । उनी जिउँदै रहेकाले पहिरो हटाएर निकाल्ने प्रयास भइरहेको उद्धारमा संलग्न सुरेन्द्र गौतमले जानकारी दिए ।

बाँकी तीन जनाको अवस्था भने अज्ञात छ । उद्धारका लागि चण्डिका सशस्त्र प्रहरी गण कुुस्मा र जिल्ला प्रहरी कार्यालय पर्वतबाट त्यसतर्फ टोली हिँडेको छ ।

जलविद्युत् आयोजना बन्द

यसैगरी पहिरोले नहर थुनिएपछि पर्वतको चुवास्थित १० मेघावाट क्षमताको तल्लो मोदीखोला–१ जलविद्युत् आयोजनाको उत्पादन बन्द भएको छ ।

पहिरोकै कारण राम्जा देउराली गाविस–७ स्थित जीवनज्योति प्राविको भवन बगाएको छ भने पर्वतको डिमुवामा पहिरो जाँदा पोखरा बागलुङ राजमार्गसमेत अवरुद्ध भएको छ ।

प्रतिकृया दिनुहोस