१३ भदौ विहान सडकको एक छेउमा ट्रिपर राखेर आन्दोलन गरिरहेका ट्रक–ट्रिपर व्यवसायीले काठमाडौंमा आन्दोलित ब्यवसायीमाथि प्रहरीले बल प्रयोग गरेको र मजदुरहरुमाथि दुव्र्यवहार गरेको भन्दै दिउँसोबाट पृथ्वी राजमार्गमा दुवैतर्फ नै अवरोध खडा गरी सवारी साधनको आवागमन ठप्प पारेका छन् ।

नेपाल ट्रक तथा ट्रिपर यातायात व्यवसायी संघको नेतृत्वमा पृथ्वीराजमार्ग अन्तर्गत धादिङको धार्के र थाक्रेमा ट्रिपर र ट्रक तेस्र्याएर यातायात आवागमन अवरुद्ध पारेका हुन् ।

सरकारले क्रसर उद्योगमा नयाँ मापदण्ड लागु गरी नदी–खोलाबाट ढुंगा बालुवा उत्खनन्मा रोक लगाएकाले आफ्नो ढुवानी व्यवसायमा सखाप भएको र बेरोजगार हुनु परेको भन्दै ढुंगा–बालुवा उत्खनन् गर्न पाउने पर्ने ब्यवसायीहरुको माग छ ।

“काठमाडौंमा ट्रक र ट्रिपरका चालक र सहचालकले खान खाँदै गरेको ठाउँमा प्रहरीले लाठी चार्ज गरेको केही मजदुरहरुलाई पक्राउ गरेको छ, त्यसको विरोधमा हामीले पृथ्वी राजमार्गका केही स्थानमा यातायात बन्द गरेका छौं,” क्रसर व्यवसायी मनोज कार्कीले बताए ।

गिट्टी, बालुवा, रोडा लगायतको निर्माण सामाग्री ढुवानीको तत्काल विकल्प नदिएसम्म सडक खुल्न नदिने व्यवसायीहरुले चेतावनी दिएका छन् ।

यसैविच अवरुद्ध सडक खुलाउने पहल भइरहेको जिल्ला प्रहरी कार्यालय धादिङले जनाएको छ ।

सानुबाबु तिमिल्सिना, धादिङ

प्रतिकृया दिनुहोस