–बिमल नेपाल, सिन्धुपाल्चोक

सिन्धुपाल्चोकको राम्चे–६ जुरेमा थुनिएको सुनकोशीको कृतिम ताल २२ भदौ बिहान ३ बजेको आसपासमा अकस्मात फुटेको छ । पानीलाई निकाश दिन नेपाली सेनाले खोल्दै गरेको ठाउँबाट ताल फुटेको जिल्ला प्रहरी कार्यालय सिन्धुपाल्चोकले जनाएको छ ।

ताल फुटेपछि पानीको सतह करिब २० मिटर घटेको छ । ताल फुट्दा सेनाले प्रयोग गरिरहेको स्काभेटर, बिष्फोटक पदार्थ र एउटा घर बगाएको छ ।

यस्तै, खाडीचौरस्थित बाल शिक्षा उच्च माविका केही क्षति पुगेको तथा एउटा भोजनालय, घरटहरा र वर्कशपमा राखिएका १० वटा मोटरसाइकल बगेको प्रहरीले जनाएको छ ।

ताल फुट्दा बिस्तारै मात्र नदी बढेकाले मानिस भने सुरक्षित ठाउँमा सरेका छन् । केही ठाउँमा पहिरो गएको छ ।

तालमा पानीको सहत घटेपछि अरनिको राजमार्ग, जुरे बजारका घर, सानिमा हाइड्रोपावरका संरचना पनि देखिएको छ ।

प्रहरीका अनुसार ताल फुट्दा बढेको पानीको वहाव अहिले भने घटिसेकेको छ ।

सम्बन्धित समाचारः

पहिरोले सुनकोसी थुनियो, लामोसाँघुदेखि दोलालघाटसम्मका बासिन्दाले घर छोडे

सुनकोशीको सन्देश

प्रतिकृया दिनुहोस